Ordførar Jenny Følling (Sp) i Sunnfjord er superivrig etter å få igang verdas første elektriske rutefly mellom Sunnfjord og Bergen. Men staten må inn med pengar, meinar ho.
Foto: Britt GlosvikDenne artikkelen er over ett år gammel. Den kan inneholde utdatert informasjon.
Ordførar håpar å bli med på verdas første elrutefly
Innan fem år håpar ordførar Jenny Følling (Sp) i Sunnfjord at ho kan sette seg på det første elektriske flyet mellom Førde og Bergen.
Vestland fylkeskommune har vedteke å samarbeide med Sunnfjord kommune og Sunnfjord Utvikling AS om å etablere ei pilotrute for elfly mellom Bergen og Sunnfjord. Målet er å få verdas første batteridrivne rutefly på vengene.
Sunnfjord-ordførar Jenny Følling (Sp) trur at det vil bli mogleg å fly elektrisk mellom Sunnfjord og Bergen om tre til fem år. Ho ser føre seg fire-fem daglege flygingar.