Annonse
Nyheter
Siste øl på polet i Sogn
Daglegvarebutikkar med konkurransedyktig pris på øl rett over kommunegrensene, i Hafslo og i Hermansverk, har gjort kvardagen vanskeleg for ølpolet i Sogndal.
I 2006 måtte kommunestyret i Sogndal løyve nær 540.000 kroner for å berge drifta. Likevel endte året med 100.000 i underskot. Ordninga med ølmonopol var meint å gi inntekter til rusarbeid, kultur og idrett.
- Dersom ikkje ølutsalet får tilført eigenkapital, blir det umogeleg å drive vidare, seier styreleiar Inge Rolf Torstad til NRK.
Ordførar Jarle Aarvoll (Ap) ser det som sannsynleg at øl i butikk blir det neste, også i Sogndal.
- Utan at eg vil forskotere noko, er det vel truleg at vi får ei anna omsetnadsform for øl i Sogndal i 2008, seier han.
Det ser dermed ut til at Førde blir siste kommune i Sogn og Fjordane med ølmonopol.
I tillegg til Sogndal og Førde er det Hareid og Ulstein i Møre og Romsdal og Lyngdal i Vest-Agder, som framleis har ølmonopol i landet.
