Ny rådmann i Stordal

– Du er tilbake i jobb i Stordal kommune, men flytte dit privat vil du ikkje?

– Eg trur det kan være greit at eg bur utanfor. Både nærleik og avstand er naudsynt, både for rådmann og innbyggjarar. Spesielt i ein så liten kommune trur eg dette er ei god løysing.

–Kvifor vil du vere rådmann? 

–   Det er kombinasjonen av at eg vart oppfordra til å søkje og at det er mykje spanende som skjer i kommunal sektor og på det interkommunale området. Eg får vere med på å styre utviklinga i ”lille Stordal” og utviklinga i regionen. 

– Kor aktuelt er kommunesamanslåing for Stordal?

– Det vert heilt sikkert fleire samarbeid. Og når samarbeid når ei viss høyde, er vi ikkje fremmed for å sjå på samanslåing, men det er ikkje tema i dag. Det er viktig å sjå til at samarbeida er kost/nytteeffektive.

–Stordal kommune har sine utfordringer. Kva er den største sett med rådmannsauge?

 – Inntektssystemet for småkommuner. Lille Stordal har veldig gode basistjenester i dag. Vi hadde det beste avgangskullet i landet frå grunnskulen i fjor, vi har godt helsetilbod og vi har ikkje hatt driftsmessig underskot siden 1991, men framover vert inntektssystemet avgjerande. Vi er ein hyttekommune med stadig fleire hytter enn fastbuande husstander.

– Kva er din medisin for å holde både folketal og skatteinntektene oppe?

– Fortsatt ha kontroll på økonomien uavhengig av inntekt. Eg vil tilretteleggje på næringssida – vi er jo ein stor møbelkommune. Det vil venteleg auke bosettingen i kombinasjon med ein auka fritidsmarknad. 

– Korleis vil du karakterisere deg sjølv som leiar?

– Omgjengeleg, rimeleg strukturert, klar og tydeleg i dialog med tilsette og politikarar.

– Korleis er tilhøvet ditt til kommunepolitikarane?

– Veldig bra. Det er både fordi eg har ei forhistorie i kommunen og at eg no var sterkt ønska tilbake. Samhandling mellom administrasjon og det politiske nivå er sjølvsagt viktig for kommunen, og for rådmannen spesielt.

– Hvis du blei redaktør for eit nummer av Kommunal Rapport. Kva ville du prioritere?

– Eg ville tatt fram ein del gode praktiske tiltak eller samarbeid som er gjennomført og evaluert. Det kan vere mangelvare det med evaluering, men det er alltid nyttig å lese om slike døme.

– Kva er favorittnettstadane dine?

– Aviser; smp.no

– Kva gjer du på fritida?

– Det blir hus og hytte, litt fritidsfiske i fjorden, ski på vinteren og andre familieaktiviteter.

– Du får velje kven du vil ha med på ein middag for to. Kven vel du?

– Det er mange ein kunne valgt. Eg kunne tenkt meg ein samtale med for eksempel Karsten Isaksen. Det måtte vere ein med personlegdom og utstråling som hans type.

– Kva for ei bok vil du oppfordre andre til å lese? Og kvifor?

– Trygve Gulbranssen har ei god samling: ”Og bakom synger skogene”, ”Ingen vei går utenom” og ”Det blåser fra dauingfjell”. Dei fortell ein del om livet i gamle tider i bygd og by. Det er nyttig å ha med seg.