Annonse
Nyheter
Drammen trekker seg frå e-val
Tryggleiken til veljarane er ikkje god nok i forsøket med elektronisk val, meiner det politiske fleirtalet i Drammen. Sandnes tek plassen i forsøket.
For nokre veker sidan vart Drammen og elleve andre kommunar peika ut som forsøkskaninar som skal prøve ut elektronisk stemmegiving ved kommunevalet neste haust.
Men no har kommunestyret – mot stemmene til Frp og SV – sagt nei til å vere med i prosjektet, til tross for at det var kommunen sjølv som i si tid søkte om å få vere med.
Ordførar Tore Opdal Hansen (H) skriv i saksframlegget til kommunestyret at utfordringane ved å stemme heime – åleine og utan påverknad – ikkje er teke godt nok omsyn til i prosjektet. Kommunen vil risikere svekka truverd om han blir med på velforsøket, meiner ordføraren.
Ingen av dei andre som vart peika ut til å vere med i prosjektet, har trekt seg, opplyser Kommunaldepartementet. I staden for Drammen er Sandnes plukka ut til å delta.
