– Eg er positivt overraska over engasjementet i bygdelaga når eg kontaktar dei, seier Marion Solheim, som står bak portalen som skal freiste livsstilsflyktningar til Noreg.
Foto: PrivatFreistar nederlendarar til Noreg med «Tinder for bygdene»
Ein ny portal skal kople trongbudde europearar med norske bygder. Målet er å auke folketalet, få meir liv i bygdene og redde grendeskulane.
Europearar som ønsker å flytte til ei lita bygd med mykje natur og lite stress, kan no lettare finne draumebygda si i Noreg. På ei ny nettside kan dei legge inn ulike ønsker og behov og raskt få svar på om det er ei bygd som passar for dei.
– Dette er ei form for Tinder for bygdene, seier Marion Solheim, som står bak bygdeportalen.