Samferdsel knyter distrikta saman

Midlar til tunnelsikringa Av Rv70, Freifjordtunnelen og behovet for betre vedlikehald på vegane, har stor merksemd i fylkestinget. I desember gjorde det samrøystes vedtak om garanti for låneopptaka i regi av Samspleis, for løysing av Haukebøen i Molde kommune. Dette er eit lenge etterlengta og viktig vegprosjekt i området.

Stamvegane og samarbeid for betre vegløysingar på Vestlandet opptok fylkestinget i desember. Gode samferdselstilbod er særs viktig for at bu- og arbeidsmarknadsregionane skal fungere godt, både for den enkelte og for offentlege og private arbeidsplassar. Busetting og næringsliv, og dermed kommunane, er avhengige av at samferdselstilboda får utvikle seg med god og oppdatert infrastruktur.

Bygging av gang- og sykkelvegar, satsing på haldningskampanjar, særleg for barn og unge, samt kollektivtrafikken har ikkje alltid vore budsjettvinnarar. Men dette må heile tida ha vår merksemd.

Det er viktig for framtida i Møre og Romsdal at fylkestinget viser vilje, kunnskap og initiativ innan samferdselspolitikken i Møre og Romsdal. Vi vil framleis vere aktive og pågåande i dette arbeidet.

Hovudsaker vil vere:

Stamvegane: Desse er høgt prioriterte. Her er vi i tillegg avhengige av samarbeid med fylka både i nord, sør og aust.

Rassikring: Fylkestinget har sett opp prioriteringar i samsvar med de store utfordringane. Rv 60 Stranda -Hellesylt har stått altfor lenge på vent. Her gjeld det om å få auka statlege løyvingar betydeleg.

Riksvegar: Her gjeld Nasjonal Transportplan sin omtale av øvrige riksvegar. Eg er trygg på at fylkestinget vil følgje opp desse prioriteringane. Behovet for auka dekkelegging og vedlikehald på vegane gjeld heile fylket. Eg forstår at folk er utålmodige.

Skrevet av: Svein Atle Roseth