Pris verdig

Vinje kommune er ein verdig vinnar av årets Amnesty-pris. Kommunen har i 20 år sett flyktningar og innvandrarar som ressursar, og har drive ein aktiv integreringspolitikk. Det har gitt somaliarane i Vest-Telemark-kommunen ein heilt anna status enn menneske med same opphav i Oslo, til dømes.

Nasjonalt ligg somaliarar høgt på statistikken over arbeidsløyse og trygdemottak. I Vinje har norskopplæring og nettverk for kvinner vore sentralt. Det har gitt veldig gode resultat.

Vinje er den fyrste kommunen som får Amnesty-prisen. Tildelinga er viktig. Andre kommunar treng den inspirasjonen dei kan få.

Skrevet av: Kommunal Rapport