Kartlegg alle heimflyttingprosjekt

Målet er å identifisere god praksis i distriktskommunar som arbeider med å få tilflyttarar til å bli verande og trivast i kommunen.

Fire av prosjekta er trekt ut til djupstudie, basert på spesielle initiativ og verkemiddel som kan gi tips til andre kommunar som slit med å snu ei negativ befolkningsutvikling.

Gjertrud Stavseng leiar utgreiinga.

- Vi valt å dra til kommunane i Fjellregionen, til Hjelmeland og Verdal og til eit prosjekt i regi av Lofoten næringshage og Nordland fylkeskommune. Det siste har særleg vekt på kvinnelege innvandrarar, fortel Stavseng.

Dei andre kommunane rettar innsatsen mot norske tilflyttarar, arbeidsinnvandrarar og flyktningar.

- Målet er å studere eit breitt spekter av ulike verkemiddel som har overføringsverdi til andre distriktskommunar, seier Stavseng.

Arbeidet starta i august i år og skal ende i ein rapport allereie i november.