Ho vil trosse vass-skrekk og rafte i Ottaelva

Kommunevalget 2019. Edel Kveen (Sp) gjorde reint bord i Skjåk, fekk 60,5 prosent av stemmene og meiner regjeringas sentraliseringspolitikk er den største utfordringa i kommunen.
Edel Kveen (Sp) overtar stafettpinnen frå partikollega Elias Sperstad i Skjåk. Han ønskte ikkje attval. Foto: Privat

Om lag ein tredel av de nyvalde ordførarane er helt nye i vervet. Møt nokre av dei i denne serie fram til nyttår.

Edel Kveen (Sp)

Ny ordfører i Skjåk

47 år, gift

Utdanna vernepleiar

Har jobba som avdelingsleiar i miljøarbeidartenesta i Lom kommune

Åtte år i kommunestyret, fire i formannskapet

1 Kvifor vil du bli ordførar?

– Fordi eg har eit engasjement for å halde oppe ei solid kommune med gode tenester og variert næringsliv. Eg meiner og at vi som kvinner må ta ansvar og stille oss til disposisjon for leiande verv.

2 Kva vil du gjere for å lukkast best mogleg i vervet?

– Vera lydhøyr og inkluderande, drøfte og kommunisere i partigruppa og kommunestyret. Eg vil invitere innbyggjarane til dialog.

3 Kva gler du deg mest til?

– Bedriftsbesøk og besøk til arbeidsplassar i ulike sektorar i kommunen.

4 Kva er du mest spent på?

– Samspelet mellom kommune, fylke og stat og det lokalpolitiske handlingsrommet.

5 Kva er den største politiske utfordringa i din kommune?

– Sentraliseringspolitikken og ringverknaden av denne. Skjåk har og ein utfordrande demografi, med stadig fleire eldre og færre i yrkesaktiv alder.

6 Kva er ditt viktigaste vallovnad og korleis skal du oppfylle det?

– Vi vil sette inn fleire nye tiltak for å møte klima- og miljøutfordringane. Vi må legge til rette for næringsutvikling for å auke innbyggjartalet.

7 Kven vil du helst skal flytte til kommunen din og kvifor?

– Alle er hjarteleg velkomne til å flytte til Skjåk. Spesielt velkomne er unge, småbarnsforeldre og gründarar.

8 Kva likar du å gjere i fritida?

– Eg oppheld meg gjerne i fjellet – einsleg, med familie eller gode vener.

9 Fortel noko om deg sjølv som ikkje alle veit!

– Eg er absolutt ikkje glad i det våte element, men har likevel eit mål om å rafte i Ottaelva når motet blir stort nok og elva lita nok.

Flere artikler om
Emner

Delta i debatten

Vi setter stor pris på at du deler ny kunnskap, dine egne erfaringer og diskuterer med oss og andre lesere. Du må bruke ditt fulle navn for å delta i debattene. Debatten vil bli moderert i tråd med de presseetiske regler. Modereringen skjer i etterkant av publiseringen.