– Kommunestyret har ikkje blant anna gjort ei vurdering av barnets beste, meiner Statsforvaltaren i Vestland.
Foto: Magnus Knutsen BjørkeStatsforvaltaren oppheva vedtak om ny leiarstruktur i barnehagar
Eit vedtak om at to og to barnehagar i Ullensvang skal dele styrar er ulovleg, fordi saka ikkje var godt nok opplyst eller grunngitt. Det meiner Statsforvaltaren i Vestland.
– Administrasjonen ved kommunalsjef og rådmann meiner saka hadde vore greidd ut og handsama slik lova krev, seier rådmann Ole-Jørgen Jondahl i Ullensvang kommune til Kommunal Rapport.
Kommunestyret i Ullensvang vedtok før jul ein ny leiingsstruktur i seks barnehagar. Vedtaket innebar at to og to av barnehagane skulle ha felles styrar.