Stillingsannonser
Vågå kommune
Vågå kommune profilerer seg som ein moderne og offensiv kommune. Offentlege og private aktørar blir inviterte til å delta i kreative prosessar i attraktive miljø for å møte framtida med optimisme og pågangsmot.
Kommunen ønskjer å utvikle grunnskulen i kommunen som eit nasjonalt fyrtårn for kompetansebygging og samfunnsutvikling med den politiske visjonen om å etablere ”Norges beste skule”. Vi har ein desentralisert skulestruktur, full barnehagedekning, godt oppvekstmiljø, eit allsidig kulturliv og Nasjonalparkriket lokkar med opplevingar og utfordringar i ein storslått natur heile året.
Vågå kommune har frå 01.08.2010 ledig stilling som
SEKTORSJEF FOR OPPVEKST OG KULTUR
(kommunalsjef)
Sektorsjefen vil mellom anna ha
• Plass i rådmannens toppleiargruppe.
• Fagleg, administrativt og økonomisk ansvar for områda skule, barnehage, vaksenopplæring, flyktningtenesta og kultur.
Vi søkjer etter ein person som har:
• relevant høgare utdanning innanfor minst eitt av dei områda sektorsjefen vil få ansvar for
• kompetanse innanfor leiing, økonomi og administrasjon
• praksis frå aktuelle arbeidsområde og frå leiande stilling
• vilje og evne til nytenking, resultatorientering og samarbeid og kommunikasjon internt og over sektorgrenser
• gode samarbeidsevner, er omstillingsdyktig og fleksibel
I Vågå kommune får du fagleg og personleg utvikling, godt arbeidsmiljø og gode samarbeidstilhøve. Vågå er nynorskkommune. Kommunen kan hjelpe til med å skaffe husvære. Løn etter avtale og gode pensjonsordningar i KLP. Kvinner blir spesielt oppmode om å søkje.
Aktuelle søkjarar vil bli inviterte til intervju.
Søkjarar som ikkje ønskjer namnet sitt offentleggjort må grunngje det.
Nærare opplysningar om stillinga får du ved å kontakte
Rådmann Tor Arne Gangsø tlf. 61 29 36 00/415 62 777 e-post:
tor-arne.gangso@vaga.kommune.no
Sektorsjef Kjell Nyhus tlf. 61 29 36 25/906 46 288 e-post: kjell.nyhus@vaga.kommune.no
Innsending av søknad skal skje på elektronisk søknadsskjema via www.vaga.kommune.no. Mottekne attestar og vitnemål blir ikkje returnert utan etter førespurnad.
Velkomen som søkjar
Last ned papir-utgaven av Kommunal Rapport i PDF-versjon.
